Khawzawl Wildlife Division-in Ar note 4000 an sem

Khawzawl Times | Khawzawl, the 29th April, 2026 : Khawzawl Wildlife Division chuan nimin khan Vapar, Murlen leh N.Khawbung khuaahte Murlen National Park-a EcoDevelopment activity hnuaia hmalakna pakhat atan Rainbow Rooster ar note 4000 an sem.

Heng khaw pathumah hian chhungkaw 80 hnenah ar note 50 zela semchhuah niin, ar note sem chhuah zat hi a vaiin 4000 a ni a. He hmalakna hian a tum ber chu Protected Area bulhnaia chengte tana ramngaw leh nungcha humhalh chunga eizawnna tha zawk kawh hmuh bakah mihringten nungchate chenna hmun kan nek chep zel tihziaawm a ni.

He programme kaltlang hian ar note hi tum hnih sem chhuah tawh niin, ar note 7000 zet Murlen National Park chhehvel khaw parukah sem a lo ni tawh a ni a. He hmalakna hi kalpui zel tur niin khaw pasarih dangah la sem leh tura ruahman a ni.