KHAWZAWL TIMES | 13th of June, 2026 : June 12, 2026 zing dar 2:30 vel khan Excise & Narcotics Department, 34th Battalion Assam Rifles leh Central Anti-Drugs Squad (CADS) tangrual te chuan New Vervek khuaah ruihhlo do beihpui an thlak a, heroin gram 740 zet leh mi 9 an man.
Heroin hi 740 gram sahbawn bawm 61 chhungah tha taka dah a ni a. Hemi kaihhnawihah hian Lalramsiem kum 43, Andrew kum 30, Lalthlankung Hmar kum 42, John Barnard kum 34, Lalchuailou kum 49, Joseph kum 19, Lalneihlim kum 18, Lalrinchhan kum 36, leh Lalmalsawm kum 37 te man an ni, Pherzawl District, Manipur khua leh tui vek an ni a, Ruhhlo phurhna atana hman Mahindra Bolero Camper thar, number la nei lo, ruihhlo phurhna atana hman ngei nia hriat chu an man tel bawk.Ruihhlo kaihhnawiha man te hi NDPS Act, 1985 Section 21(c) tlawhchhanin thubuai siamsak an ni a.
NDPS Act danin a sawi dan chuan, heroin commercial quantity keng chungchangah thiam loh chantir an nih chuan kum 10 atanga kum 20 thleng lung in tan theih a ni a, pawisa cheng nuai 1 atanga nuai 2 inkar chawi tir theih a ni bawk.
