Khawzawl DPRC-in SHG huho tan USHA CLASSICAL SILAI SCHOOL TEACHERS TRAINING a buatsaih

KHAWZAWL TIMES | 13th of June, 2026 : Khawzawl RD Block SHG member-te tan June 3, 2026 atanga June 12, 2026 chhung khan DPRC Khawzawl huaihawtin Bethany Society Shillong chuan USHA CLASSICAL SILAI SCHOOL TEACHERS TRAINING a buatsaih.

June 3, 2026 khan Pu K Lalhmuakliana PD, DRDO chuan training hawnna a hmanpui a, he training-ah hian Khawzawl RD Block huam chhung khaw hrang hranga SHG member 15-te chu ni 9 chhung puanthui zirtir an ni a. June 12, 2026 khan zawh zawh fel a ni.

Training kharna inkhawmah hian Dr C. Danial,Head of Department, Radiology, NEIGRIHMS Shillong chu khuallian niin Certificate, USHA puanthui Khawl leh Classical SILAI School Signboard semna hun hmangin thu a sawi a. Pu Timothy R.Lalhmangaiha BDO/BMD chuan training chhuakte fuihna thu a sawi bawk.

Trainer-ah Rilian designing studio neitu Tv Lalduhzuala, Khawzawl hman a ni a, Khawl remkhawm dan, a thiah dan, measurement lak dan, cutting leh nuho in an khawl mila an hman tangkai theih tur kawr design hrang hrang leh kekawr lam thui dan te an zir, training chhung a rei loh avangin a tam thei ang ber an thiam theih nan nasa takin tan an la a ni.