Saitualah District AIDS Prevention and Control Committee (DAPCC) thu khawm

Saitual, the 1st September 2025: Vawiin chawhma khan DC Conference Room, Saitualah District Bawrhsap Dr. Lalngura Tlau kaihhruainain District AIDS Prevention Control Committee an thu khawm a, District level-a HIV/AIDS darh zel tur venna kawnga hmalakna “Intesified IEC Campaign 2025” hawnna neih dan tur an sawiho.

He hunah hian District Bawrhsap leh DAPCC Chairman ni bawk Dr. Lalngura Tlau chuan kalkhawmte hnenah thu sawiin HIV /AIDS darh zel tur venna kawnga theihtawp chhuah turin a sawm a, HIV/AIDS chu mimala beih chi a nilova, khawtlang leh ram anga kan tan hona tur chi a ni, a ti. Saitual District chhunga khaw hrang hranga IEC Campaign neihna turah pawh kohhran leh khawtlang hruaitute chu, an mi leh sa te nen lo in be rawna theihtawp loh chhuahpui turin a sawm nghal bawk.

Vawiina District AIDS Prevention Contol Committee(DAPCC)thu khawm chuan Saitual District- a “Intensified IEC Campaign” hawnna leh campaign neih dan turte ruahmanin, ni 12th Sept, 2025, chawhma dar 11 hian Lal Dorawta Auditorium-ah hman turin a rel. Meeting chuan he huna Saitual khuaa High School leh Higher Secondary School zirlai mi 300 aia tlemlo tel tura sawm te, hemi ni hian kalkhawmte tan HIV test Drive(a duh apiang tan) neih te, IEC material zirlai naupang tinte hnena semte a rel bakah Saitual District chhunga IEC campaign neihna tur khua 25 te tihchianna a nei bawk.

Vawiin thutkhawmah hian Pu J Rokima, Addl SP, Dr Zothanpari Chhakchhuak, Member Secretary, DAPCC & SMO, Pu R Lalhmangaiha, Dy DPC& DEO, VL Hmangaihzauva,PM, Peniel DIC te bakah khawtlang leh kohhran hrang hrang aiawhte an tel thei a ni.

Attachment