Sialhawkah pangang khawi chhungkaw 30 tan training buatsaih

KHAWZAWL TIMES | 13th of June, 2026 : Zirtawpni (12.06.2026) khan Sericulture Department, Khawzawl District chuan Sialhawkah pangang khawi chhungkaw 30-te tan training leh infuihtharna hun an buatsaih a.

He hun hi DSO Pi Melody C. Vanlalruati’n a kaihruai a, Dr. Lalthlamuana Pachuau, Scientist-D leh Dr.Pravan JS, Scientist-B, REC, Central Silk Board-ten farmer-te chu technical lama harsatna an tawh hrang hrangte sutkian dan tur an zirtir bawk.

He training leh infuihtharna hunah hian Sialhawk khua chu pangang khawi lamah an tihthat zia te sawi a ni a, mi pakhatin quintal 1 silk cocoon a thar thin thu hmangin kalkhawmte chu fuih thar an ni.