Hawihhawmna

Khawzawl khawpui chhungah sorkar department hrang hrang eng emaw zat kan nei a. Sorkar department kan neih sate hi tih len chhoh zel niin, sorkar department thar pawh hawn belh zel a ni bawk a, hun a inher ang a hmasawn na kan la neih belh zel dawn bawk a ni.
Hetianga hma kan sawn em em rual hian sorkar hnathawk te pawh an hawihhawm thawkhat hle a, thingtlang kuthnathawk, office kal phung hre lo tak tak leh office pawh dawr ngai manglote dawhthei tak leh hawihhawm taka an lo dawngsawng thin hi an fakawm tak zet a, hei hi changkanna leh hmasawnna pawimawh tak pakhat a ni awm e.
Mipui lam pawhin sorkar office dawr kawngah hawihhawm chhuah a Tul viau bawk a, thil tih awm leh awm lo kan thliar thiam a pawimawh a. Kan dawr tur office-te an buai zual lai a nih phei chuan a thawktu lamte hi mihring ve bawk a nih avangin aw ka vin deuh han hman chang te pawh an nei ve fo ang, heng hunah hian in sawisel emaw, in timualpho tum mai lovin, hnathawktute dinhmun hriatthiam pui ila, Khawzawl hi khaw nuam taka siam turin hawihhawm i chhuah zel ang