Kum tling lo lirthei khalh

Lirthei khalh leh enkawl chungchangah lirthei neitu ten dan kan zawm a tul tih kan hre chung hian tha taka dan zawm mai harsa kan ti thin hi kan in enlet a tul em em a. Lirthei kan neih rual chiah hian dan zawm tur chi hrang hrang kan kovah a tla nghal a, dan palzut emaw dan lova lirthei khalh loh hi kan himna tur a ni tih hi i hre thar zel ang.
Kum tling lo lirthei khalh hmuh tur an la awm fo thin a, nu leh pate hei hi kan ngaih thutak a pawimawh khawp mai. Thla hmasa lawk khan New Delhi-ah naupang kum tinglo lirthei khalhin mi pakhat a su hlum a. He thil thlengah hian lirthei khalh phalsak tu a farnu chu under Motor Vehicles Act, (Section 180) hmanga man a nih thu tarlan a ni. Hetiang chiah hian kum tling lo kan fate lirthei khalhin pawi an khawih thei a, kan fate pawi khawih avang hian nu leh pa te hian kan tuar thei a, kan fate pawhin an tuar thei a ni tih hi theihnghilh loh tul tak zet a ni. Dan tha taka zawm hi khua leh tui kan nih anga kan tih tur a ni a, Kristian kan nih ang pawha Kristian kan nihna kan lanchhuah tirna hmun tur niin a lang.