Hriselna ngaih pawimawh

Kan chenna khawvel hi kan kumhlunna tur hmun a ni lo, nitin zan tin kan thi zung zung thin te, thalai an han thi zawih zawih mai thin hian rilru a luah fo thin. Mithiamte chuan he kan taksa hi kum za daih, kum 100 thlang dam thei a nih thu an sawi a, Pathian lama kan hmuh danin mihring dam rei lam chu kum 70 atanga 80 a nih thu tar lan a ni bawk.Mihring dam rei lam hi kum 70 atanga kum 100 inkarah kan pawm lai hian dam thleng lova thi hi a tam zawk an ni a ni. Kan taksa kan enkawl uluk a, hriselna kan ngaih pawimawh a pawimawh tak zet a, khawvel changkang zelah kan thil neih leh kan incheina mawi leh tha tak tak aiin hriselna ngaih pawimawh hi changkannaah kan pawm thiam a ngai a, Kristianna nen
pawh thil inhmeh tak leh tihmakmawh a ni.
Thalai kum naupang tak tak an han thi zawih zawih mai hi hriselna kan ngaih thah avang leh ruihhlo avangah kan puh lo thei lova, vawiina thalai la ni mai tur naupangte hian hriselna tha tak nen hmalam hun an hman theih nan nu leh
pa ten tan i la thar sauh sauh ang u