Infiammi ten puanven sawi chhing se

Mizo infiammi zingah khawvel huapa inelna peng thenkhata hlawhtlinna tlâng an lâwnchhuah mek lai hian, Khawzawl khawpui leh District huap pawhin kan hming a langsar khât phauh phauh viau thin a. Beng sika ngaihtuah chunga tan kan lak a hun lehzual ta hle a ni.
Infiamna chi (sports discipline) hrang hrangah hian thei bik leh thiam bik an awm deuh zel a. Mahni thiam leh theihna hmu chhuak fuh leh hmu chhuak thiam apiang ten awmze nei takin an theihna chu pho chhuak a, eizawnna atan hial pawha an hman mek tawh lai hian mahni peih tâwk leka buaipui kan awm fo thin hi ngaihtuah ngun ngai lai tak chu a ni âwm e. A thiam leh thei fâl rawn dawk chhuak mai thinte hian thawhrimna leh taimakna nen an thahrui leh rilru chu ti pâu
khauhin tih tak takin an tuina leh theihna chu an chher hriam thin tih a lang reng mai a. Naupan lai atangin, rawlthar/tleirawl an nih tan chhoh tirh atanga buaipui zui zelin he hlawhtlin theihna kawng hi a zawh theih a ni tih nghet taka kan pawm thiam a tulin, a hun takzet tawh a ni.