Khawzawlah District NCORD Committee ṭhukhawm

Khawzawl, dated 29th August 2025: Vawiin chawhnu dar 3 khan Khawzawl District Level Narco Coordination Centre (NCORD) Committee te chu Khawzawl Dictrict chhunga ruihhlo do khawnga hmalak dan tur sawi hovin an thukhawm a, Addl. Deputy Commissioner, Pu Lalfakzuala chuan kaihruaiin, Pu F. Lalbiakzauva, SP chuan NCORD hma lo lak tawh dan report a pe.

Khawzawlah hian NCORD hmalaknain Drug Awareness Campaign neih tum a ni a, September thla chhungin Khawzawl Venglai Presbyterian Kohhran Naupang Chawlhni chawhnu inkhawm naah leh Biate High Schoolah te neih tura rel a ni. Heng bakah hian The Cigarettes and Other Tobacco Products Act, 2003 (COTPA) Section 4 atana hmalak dan tur leh tlawh ho dan tur pawh sawiho niin, hmun li (4) tlawh tura rel a ni a, he mi atan hian COTPA Enforcement Team tur ruat nghal niin, Team Leader atan hian Pu Suvigya S. Chandra, SDO (Sadar) ruat a ni a, heng bakah hian Police Station atangin mi pahnih (2) leh DEO atangin mi pakhat (1) beisei an ni.

Khawzawl hmun lun laiah National Narcotics Helpline number pho chhuahna tur Poster tar an rel bawk a. Khawzawl District chhungah Drug Free Village thlan tur niin, a zir chiang turin SP leh YMA lam te ruat bawk an ni.

He hunah Pu Suvigya S. Chandra, SDO (Sadar), IAS bakah NCORD memberte kim takin an tel a ni.