Kum tling lova pasal neih chungchangah CMPO ten training an nei

Khawzawl Times, 26th, Sept. 2025 : Nimin (25.09.2025) khan District Hub for Empowerment of Women, Women & Child Development Khawzawl District buatsaihin Child Marriage Prohibition Officer (CMPO) te pualin Khawzawl Vengthar YMA Meeting Hallah training buatsaih a ni.
He hunah hian Pi Esther Laltlinpuii, Child Development Project Officer chuan CMPO te mawhphurhna hrang hrang a tarlan bakah, The Prohibition of Child Marriage Act (PCMA) 2006 hnuaia kum tlinglo inneihtirtu leh inneihna hriatpuitu zawng zawngte hrem theih an nih thu te a tarlang a ni. Pi Lalpianpuii District Mission Coordinator pawhin thu sawiin, ‘kumtlingloa pasal leh fa neih chuan nu leh naute chunga nghawng thalo a neih dan hrang hrangte a tarlang bawk a ni.
Village Council Secretary te hi Child Marriage Prohibition Officer an nih angin nimin training-ah hian Khawzawl District chhung Village Council hrang hranga secretary te an tel a ni. 

See less