Mamit-ah Mega Oil Palm Plantation Drive,2025 neih a ni

Dated:Mamit the 29th of August, 2025: Vawiin khan ICCC Hall, Thuampui Veng, Zawlnuam-ah Oil Palm chingtute tan Oil Palm Mega Plantation Drive, Mamit District, 2025 chu neih a ni a, Pu K Laltlawmlova, District Bawrhsap chu Khual Lian niin hun a hmanpui.

District Bawrhsap chuan Mamit District hmasawnna atan loneitu ten Sawrkar Scheme hrang hrangte hmang tangkai a, District dangte khumthei turin mahni hma zawn theuhah theih tawpchhuah turin kalkhawmte a fuih.

Vawiin hun hi Pu Ngurrinsanga Sailo, DAO Mamit in a kaihruai a, Agriculture Department Officer ten Oil Palm chungchanga loneitute hriattur pawimawh te sawiin, Godrej Agrovet Ltd. atangin Pu Lalruatkima, Sr. Executive in Godrej Company hmalakna hrang hrang te a sawi bawk.

Programme zawhah District Bawrhsap in Oil Plam seedlings Flag off-na a neiin Oil Palm chingtu huanah Oil Palm tiak a phun nghal bawk . Vawiin hunah hian loneitute hnenah seedlings sem chhuah nghal a ni bawk.