Neihdawnah Khawzawl Zone B Volleyball Tournament Buatsaih

Khawzawl District Volleball Association hnuaia Zone B chuan Nilaini (October ni 1, 2025) atang khan Khawzawl District-a Neihdawn khuaah Zone Championship an buatsaih a, he intihsiakah hian mipa lamah club hrang hrang paruk an tel thei a, hmeichhe lamah erawh team hnih Neih-dawn leh Tualte GSA chauh an tel thei a, anni pahnih hian League match khat an khel ang a, final an lut nghal dawn a ni.

Nimin (Oct ni 3, 2025) tlai khan hmeichhia in semi final Neihdawn G&SA leh Tualte G&SA ten an khel a, nizan khan Chawngtlai VC leh Tualte G&SA ten an khel leh a, match hnuhnung berah Dinthar G&SA leh Neihdawn G&SA te an inkhel a ni. Nizan inkhel result hi chanchinbu siam lai thleng hian result kan hre hman ta lo a ni. Final hi zanin lamah khelh a ni ang a, hmeichhiain zan dar 8:00-ah final an khel ang a, hemi hnu hian mipa final khelh chhunzawm leh a ni ang.
He intihsiaknaah hian mipa leh hmeichhe lamah Best Spiker leh Best Setter thlan a ni dawn a, mipa bikah Best Libero thlan a ni bawk ang