Rinawmna

Rinawmna hi kan nitin nun atana thil pawimawh tak, Kristian kan nihna ang pawha thil pawimawh, Kristian nun laimu a ni a. Mi rinawm te hi mi ngaihsan awm, mi zahawmah kan chhiar hin a ni.Rinawmna neih hi thil awlsam tak a nih laiin awhna leh duhamna kan hneh loh avangtein kan rinawmna kan hloh phah fo thin a ni.
Rinawmna hi mi zahawm taka min siamtu a nih thu hi kan sawiin kan hre vek a, kan ngaih ropui thu pawh hi kan sawi fo thin a ni, hetiang a nih mek lai hian kan ram leh kan khawtlangah mi rinawm lo sulhnu kan hmu fo thin, mi rinawm lote sulhnu avangin hmasawna tluantling kan neih theih loh phah fo thin a, sum Leh pai avangin rinawmna kan hloh fo thin, hausak duhna, sum duhna avangin rinawmna kan hralh fo thin niin a lang a ni.
Mizo hnam nunah pawh rinawmna hi kan dah pawi mawh em em thin a, kristian kan nih ang pawhin rinawmna neih hi kan inzirtir tam ber pawh a ni ngeiin a rinawm a ni. A tawp berah chuan mahni rilru chhungril ber atangin kan rinawm em tih mahni in zawt nawn fo ila mi rinawm ni turin tan ila thar zel ang u hmiang