Ruihhlo do leh hunpui lo thleng tur chungchang

Hun engemaw chen kal taah khan YMA leh VDP ten Khawzawl khawpui chhungah ruihhlo a rem theih nan leh thalaite ruhhlo laka an fihlim theih nan theihtawp chhuahin hma an thin a, an hmalakna zarah ruihhlo pawh a tawmim viau thin a,
khawlaiah damdawi rui leh zurui hnawk sak tak taka khawsa pawh hmuh tur an tam lo viau thin a nih kha. Kan hma lawkah hunpui Krismas leh Kumthar a lo thleng leh mai dawn a, YMA leh VDP lam pawh he hun kan hmachawn turah hian ruihhlo do kawng an che chhuak leh dawn niin a lang a, mipui ten hunpui hlim leh thlamuang taka an hman theihna tura district thuneitu ten ruahmanna tha tak an siam hi a lawmawm hle a, YMA leh VDP te pawhin zu leh ruihhlo dangte a tawmim theih nan tih tak zeta hma an lak ngei a rinawm bawk a ni.
He hunpui lo thleng tur hi tun hun atanga kan ur lawk a ngai viau a, theih tawp kan chhuah a tul dawn niin a lang a ni. Nu leh pate pawhin YMA leh VDP hmalakna hi kan chhungkaw tana thil tha a ni tih hriaiin an hmalaknate
kan thlawp thiam a, kan hriat sak a pawimawh dawn hle bawk a ni.