Serchhipah SHe-Box Sensitization Training neih a ni

Dated Serchhip, the 1^st September, 2025: Vawiin khan DC Serchhip, District Hub for Empowerment of Women, DPO Office Women and Child Development, Serchhip te buatsaiihin SHe-Box Sensitization Training & Hands-on workshop neih a ni a, Serchhip DC Pu Paul L Khuma chuan a hmanpui.

DC chuan Department hrang hrang in SHe- Box hmanga kan hriattur pawimawh te leh kan tihtur pawimawh te kan hriat tlan theih nan he hun hi buatsaih a nih thu sawiin Department tin ten kan tihtur theuh kan tih a tul thu a sawi.

Mission Coordinator, Women and Child Development Serchhip District Pu Lalvensanga chuan SHe-box chungchang chipchiartaka sawiin, sexual harassment lakah hmeichhiate an him zawk nana sawrkar laipui  hmalakna  a nih thu te, Internal Complaints Committee office tin ah din tur a nih thu leh Office hrang hrang te hi SHe-box portal ah in ziaklut tur a nih thu a sawi a. Gender Specialist, Women and Child Department Pi Sarah Lalbiakliani chuan hands-on training a pe bawk a ni.

He hun ah hian Addl DC Pu Lalrinzuala, SDO(S) Pi Rebecca Laldinmawii Hrahsel, SDC Dr Marilyn Lalruatkimi bakah Office hrang hrang aiawh te an tel a ni.